អរគុណ​សំរាប់​សណ្ដាន​ចិត្ត​ខ្មែរ

កាល​ពី​ថ្ងៃ​អាទិត្យ ខ្ញុំ​បាន​ចេញ​ដំណើរ​ពី​ខេត្ត​ត្រឡប់​មក​ភ្នំ​ពេញ​វិញ! នៅ​តាម​ផ្លូវ​ខ្ញុំ​ជា អ្នក​បើក​ឡាន! ប្រហែល​ជា​ងម៉ោង​២ជាង​ខ្ញុំ​បើក​ល្បើន​មិន​សូវ​ជា​លឿន​ពេក​ទេ គឺ ត្រឹម​តែ ៦០-៨០ K/H ប៉ុណ្ណោះ!នៅ​ក្នុង​ឡាន​មាន​គ្នា​ប្រមាណជា៧នាក់។ ពេល​ដល់​កន្លែង​ឈប់​សំរាក មិត្ត​ភក្ដិ​នៅ​ក្នុង​ឡាន​ទៅ​ឆែក​អីវ៉ាន់​ដែល​ដាក់​នៅ​ខាង​ក្រោយ​នោះ!!!! ស្រាប់​តែ…

បាត់​អីវ៉ាន់​ខ្ញុំ​អស់​ហើយ!!!!!!! អូ​ទេ!!!!!! ក្នុង​នោះ​មាន សំលៀក​បំពាក់​ខ្ញុំ កាបូប​សំរាប់​គ្រឿង​ងូត​ទឹក ព្រះ​គម្ពីរ ហើយ​អ្វី​ដែល​សំខាន់​នោះ​គឺ​កាបូប​លុយ​របស់​ខ្ញុំ​ដែល​ដាក់​នៅ​ក្នុង​កាបូប​ខោ​អាវ​នោះ! ក្នុង​កាបូប​លុយ​នោះ មាន​កាត​គ្រី​ម៉ូតូ (ហ្ស៊ីន) កាត​ធនាគា​២ បណ្ណ័​ផ្សេងៗ​ទៀត លុយ​១៥​ដុល្លា!!! ចប់!!!! មិន​តែ​ប៉ុណ្ណោះ បាត់​អីវ៉ាន់​មួយ​ថង់​ទៀត គឺ មាន​ខ្នើយ​កើយ ភួយ Sleeping bag របស់​ខ្ញុំ​នៅ​ថង់​ផ្សេង​ៗ គឺ​ពេល​នេះ​មក​ពី​ខេត្ត​វិញ​ សល់​តែ​ម៉ា​ខ្លួន​ទេ បាត់​ទាំង​អស់!!! មិត្ត​របស់​ខ្ញុំ​ម្នាក់​ទៀត ក៏​បាត់​អី​វ៉ាន់​គាត់​មួយ​វ៉ាលី​ដែរ!

ដល់​ក​ហើយ​ខ្ញុំ!!! ខ្ញុំ​ក៏​បើក​ឡាន​ត្រឡប់​ថយ​ក្រោយ​វិញ​ក្រែង​លោរ​ឃើញ​អី​វ៉ាន់!!!​ ជិះ​បណ្ណើរ​ភ្នែក​សំឡឹង​មើល​ឆ្វេង​ស្ដាំ បើក​មិន​សូវ​ជា​លឿន​ប៉ុន្មាន​ទេ មួយ​សន្ទុះ​មក​ក៏​ ដាច់​ចិត្ត​ទៅ​វិញ លែង​រក​ លែង​អី​ហើយ!!! ព្រោះ​មិន​ដឹង​ជា​ជ្រុះ​អី​វ៉ាន់​ហ្នឹង​ពី​កាល់​ផង!!!

អារម្មណ៍​សោក​ស្ដាយ​​ បាន​ផ្ដល់​កង្វល់​ដល់​ខ្ញុំ​ជា​ខ្លាំង! ក្នុង​ចិត្ត​គិត​ថា នឹង​ត្រូវ​អស់​លុយ​ច្រើន​ក្នុង​ការ​ធ្វើបណ្ណ័​ផ្សេង​ៗ​ដែល​បាត់​ ដូចជា ធ្វើ​កាត​គ្រី​វិញ អស់​យ៉ាង​ហោច​ណាស់​៣០-៥០ ដុល្លា បណ្ណ័​ធនាគារ២ ប្រហែល​ជា​២៤ដុល្លា នឹង​បណ្ណ័VIP នៅ​ភីស្សា និង​ហាង​ការ៉េម​ ៥ដុល្លា​ទៀត!!! គិត​បណ្ដើរ​បើក​ឡាន​បណើ្ដរ​ ក្នុង​ចិត្ត​អធិស្ឋាន​ សូម​អោយ​អ្នក​ដែល​រើស​បាន​ហ្នឹង​គាត់​ចិត្ត​ល្អ​ជួយ​ទូរ.​មក​វិញ​ផង ព្រោះ​ក្នុង​កាបូបលុយ​ហ្នឹងមាន​នាម​បណ្ណ័​ខ្ញុំ​ដែរ។

ទៅ​ដល់​ភ្នំពេញ​ សល់​តែ​មួយ​ខ្លួន ដល់​ផ្ទះ​ប្រពន្ធ​បញ្ចេញ​ទឹក​មុខ អាណិត​អាសូរ​ដល់​ខ្ញុំ (ខ្ញុំ​បាន​ទូរ.ប្រាប់​គាត់​ពេល​ដែល​ដឹង​ថា​បាត់​ហើយ)! តែ​យ៉ាង​ណា​ក៏​ដោយ​ ត្រូវ​ត្រឡប់​មក​កន្លែង​ធ្វើ​ការ​វិញ (ក្រុម​ជំនុំជីវិតថ្មី) ព្រោះ​ខ្ញុំ​ត្រូវ​អធិប្បាយ​ព្រះ​បន្ទូល​ក្នុង​ការ​ប្រជុំ​ល្ងាច​នេះ! ចៃ​ដន្យ​អី​មេរៀន​ ខ្ញុំ​ទុក​ក្នុង​ព្រះ​គម្ពីរ ក៏​ជាប់​នៅ​ក្នុង​កាបូប​ដែល​បាត់​នោះ​ទៀត!! ចឹង​ត្រូវ​រៀប​ចំ​សារ​ជា​ថ្មី​វិញ!!!

ការ​ប្រជុំ​ចាប់​ផ្ដើម​ឡើង មាន​មនុស្ស​ប្រមាណ ជា​៥០០នាក់​ជាង​ចូល​រួម​នៅ​ល្ងាច​នោះ!!! ខ្ញុំ​អធិប្បាយ​ចប់ ក៏​ចុះ​មក ស្រាប់​តែ… ទូរ.​រោទ៍​ឡើង​មាន​សំលេង​ចំលែក​មួយ​គឺ​មនុស្ស​ស្រី​អាយុប្រមាណ​ជា​៤០​ឆ្នាំ​និយាយ​មក​កាន់​ខ្ញុំ​ថា តើ​ខ្ញុំ​ជាម្ចាស់​កាបូប​មែន​ឬ​អត់? (ព្រោះ​គាត់​ទូរ.​មក​ដោយ​ព្រៀវ​ទេ ឃើញ​មាន​កាត​ច្រើន​ក្នុង​កាបូប​នោះ) ខ្ញុំ​និយាយ​យ៉ាង​លឿន​ថា បាទ​ជា​របស់​ខ្ញុំ​ ព្រោះ​ខ្ញុំ​ជ្រុះ​បាត់​ពី​ឡាន​ កាល​ពី​ថ្ងៃ​រសៀល។ គាត់​បន្ត​ទៀត​ថា ប្ដី​របស់​គាត់​រើស​បាន​នៅ​តាម​ផ្លូវ​ក្នុង​កំឡុង​ពេល​គាត់​ជិះ​ម៉ូតូ ហើយ​ឃើញ​ក្មេង​ៗ ដណ្ដើម​គ្នា​អោយ​ប្រញ៉ៃ! គាត់​ក៏​ដណ្ដើម​បាន​កាបូបលុយ​របស់​ខ្ញុំ​ហើយ​ឃើញ​មាន​កាត​សំខាន់ៗ គាត់​ក៏​យក​ទុក​វិញ! គាត់​និយាយ​ជាមួយ​ក្មេងៗ ថែម​ទាំង​លួង​លោម​ក្មេង​ៗ​នោះ​​ អោយ​ប្រគល់​កាបូប​នឹង​អីវ៉ាន់​ផ្សេងៗ​ទៀត​មក​អោយ​គាត់ ថែម​ទាំង​សូក​លុយ​អោយ​ក្មេងៗ ទាំង​នោះ​ទៀត​ផង! ទី​បំផុត​គាត់​ក៏​ដណ្ដើម​បាន ហើយ​ក៏​មក​ដល់​ផ្ទះ​ឆែក​ទៅ​ឃើញ​នាម​បណ្ណ័​ខ្ញុំ​ក៏​ទូរ.​មក​ប្រាប់​ខ្ញុំ​តែ​ម្ដង!!! ខ្ញុំ​បាន​លឺ​ដូច្នេះ​រំភើប​ណាស់! ហើយ​គាត់​ក៏​ណាត់​ជួប​នៅ​ស្ពាន​ទី​៥​បាក់​ខែង​ អោយ​ទៅ​យក​របស់​វិញ។

ម្សិល​ម៉ិញ​ខ្ញុំ​បាន​ទៅ​ដល់​កន្លែង​ណាត់​ជួប​ហើយ ក៏​បាន​ជួប​នឹង​បង​រ៉ូ​ដែល​រើស​បាន​អី​វ៉ាន់​ខ្ញុំ​នោះ។ បង​រ៉ូ​ជា​ជាង​កាត់​សក់ នៅ​មិន​ឆ្ងាយ​ប៉ុន្មាន​ពី​ស្ពាន​ទី​៥ជិត​វត្ត​បាក់​ខែង។ គាត់​សម្លឹង​មើល​មក​ខ្ញុំ​ ហើយ​បាន​និយាយ​ប្រាប់​រឿង​រ៉ាវ​ទាំង​ប៉ុន្មាន​ពី​ការ​ដែល​គាត់​រើស​បាន​កាបូប​នោះ។ យើង​បាន​និយាយ​លេង​បន្តិច ហើយ​គាត់​នាំ​ខ្ញុំ​ទៅ​ផ្ទះ​របស់​គាត់ ហើយ​ប្រគល់​អី​វ៉ាន់​មក​ខ្ញុំ​វិញ។ ខ្ញុំ​ពិនិត្យ​ឃើញ​ថា អីវ៉ាន់​ក្នុងកាបូប​មាន​សភាព​អារាត់​អារាយ កាបូប​លុយ​វិញ​កកាយ​គ្មាន​សល់!!! ឃើញ​ថា អត់​មាន​បាត់​អី​នៅ​ក្នុង​កាបូប​ខោអាវ​នោះ​ច្រើន​ទេ គឺ​បាត់​តែ​ អាវ​មួយ នឹង​លុយ​១៥​ដុល្លា​នោះ​តែ​ប៉ុណ្ណោះ។ ខ្ញុំ​បន្ត​និយាយ​ជា​មួយ​បង​រ៉ូ ហើយ​ជូន​សាគុណ​គាត់​២០​ដុល្លា (ព្រោះ​សល់​តែ​ប៉ុណ្ណឹង) គាត់​ក៏​ទទួល​យក ហើយ​ខ្ញុំ​បាន​សន្យា​ជាមួយ​នឹងគាត់​ថា បើ​គាត់​មក​ក្នុង​ក្រុង​ភ្នំពេញ​តែ​ម្ដង យើង​នឹង​ណាត់​ជួប​ញ៉ាំ​អី​ជុំ​គ្នា​ម្ដង។ ខ្ញុំ​ជំរាប​លា​គាត់​មក​វិញ គាត់​ក៏​ទៅ​បេះ​ស្វាយ​ពី​ដើម​អោយ​មក​ខ្ញុំ​មួយ​ចំនួន​ធំ​ទៀត!!!

ក្ដី​អស់​សង្ឃឹម​របស់​ខ្ញុំ​រលាយ​បាត់ អំណរ​កើត​មាន​ឡើង ដ្បិត​ព្រះជាម្ចាស់​បាន​ឆ្លើយ​តប​នូវ​ពាក្យ​អធិស្ឋាន​របស់​ខ្ញុំ។ អរគុណ​សំរាប់​សណ្ដាន​ចិត្ត​របស់​បងរ៉ូ​ដែល​ បង​សុខ​ចិត្ត​ទូរ.​មក​វិញ​ ហើយ​ប្រគល់​របស់​ទាំង​ប៉ុន្មាន​មក​អោយ​ខ្ញុំ​វិញ។ នេះ​ហើយ​ជា​សណ្ដាន​ចិត្ត​របស់​ខ្មែរ​ ដែល​ខ្មែរ​គ្រប់​ៗ​រុប​គួរ​តែ​ធ្វើ​បែ​ប​នេះ!

Advertisements

2 thoughts on “អរគុណ​សំរាប់​សណ្ដាន​ចិត្ត​ខ្មែរ

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s