ជំរាបសួរបងប្អូនអ្នកភូមិអើយ!!! អាឡុវនេះឃើញថាភូមិយើងដូចស្ងាត់ដល់ហើយ មិនសូមមានរឿងរំជើបរំជួលអីកើតឡើងទេ មើលទៅបងប្អូនយើងរវល់តែច្រូតកាត់ហើយ ព្រោះអីពេលខ្លះមិនសូវឃើញនៅផ្ទះសោះ បើកទ្វារចោល ទៅស្រែចម្ការបាត់។
និយាយ ខ្ញុំហ្នឹងក៏រវល់ដែរ មិនសូវមានពេលមកអឺតផ្ទះសោះ តែឃើញតែក្រដាស់សំបុត្រ សារទុកប្រាប់ថា មានបងប្អូនយើងមក ខ្ចីប៊ីចេង ប្រហុក ខ្ទឹម យកទៅប្រើ! តែមិនអីទេ យកទៅព្រោះខ្ញុំមានច្រើនណាស់ ទិញស្តុកទុក ខ្លាចក្រែងមានគ្រោះអាសន្នកើតឡើង!!
សូមជំរាបសួរ និងផ្ដល់ក្ដីនឹករលឹកដល់បងប្អូនអ្នកភូមិវ៉ើតប្រេសនេះផង!
ជីវិត និង គ្រួសារ 
បើនៅភូមិខ្ញុំវិញ ខែនេះជិតមានធ្លាក់ទឹកកកហើយ មិនសូវជាមានឃើញអ្នកណាចេញដើរឡេង សោះ។ ប្រហែលជាគេចំណាយពេលនៅផ្ទះ ជាមួយគ្រួសារប្រពន្ធកូនហើយមើលទៅ!!! លោកបងអើយឯខ្ញុំវិញ នៅតែផ្ទះ អប្សុកណាស់! ធ្វើការបន្តិចបន្តួចនៅផ្ទះប៉ុណ្ណោះឯង៕
ឡូយណាស់ បានលេងលើទឹកកកទៀត!!!! ភូមិយើងនេះកំពុងតែញ៉ាប់ដៃញ៉ាប់ជើង ច្រូតកាត់ហើយ!!! បើនៅផ្ទះអផ្សុក ទៅដើរលេងតាមហាង និងបបួលមិត្តភក្ដិទៅមើលកុន ឬធ្វើអីទៅណា កុំអោយអផ្សុកពេក។ អរគុណបានចូលមកលេងនៅផ្ទះបងថ្ងៃនេះ
😆 កិកិកិៗៗ
ឧត្ដមអើយ យ៉ាងម៉េចហើយ!! ហាងមានលក់ដាច់អត់ហ្នឹង? មើលទៅកុំអោយអេណា មកស្រវឹងដោះខោដោះអាវគ្រវីទៀត ចឹងហ្នឹងភ្ញៀវរត់អស់ហើយ!!កិកិកិកិ
ញ៉ុមឯណេះកំពុងតែពេញហើយបង! អាវល់ដល់កករម៉ង! តែក៏សូមសួរសុខទុក្ខបង និងប្រពន្ធកូនផង! ហេសហេសហេស
សួស្តីសម្បត្តិ!! ឮតែរវល់រហូតហ្មង មើលទៅច្បាស់ជាអត់ពេលរកសង្សានឹងគេហើយ!!! កិកិកិ ប្រពន្ធបងសុខសប្បាយទេ តែរវល់ដូចសម្បត្តិដែរហ្នឹងណា ព្រោះចុងឆ្នាំហើយ ត្រូវបញ្ចប់របាយការណ៍ច្រើនណាស់។ ចំណែកកូនវិញ ក្ដៅខ្លួនប៉ុន្មានថ្ងៃនេះ ព្រោះដុះធ្មេញថ្គាម២នៅខាងលើ ចឹងហើយគាត់រាងរញាំរញូវតិចហើយ។
បាកណាស់!
អាម៉េចចឹង? មានអីទៅពិបាក?
និយាយរឿងដុះធ្មេញ, ញ៉ុមមនុស្សធំផងម៉េច ដុះធ្មេញថ្គាមផុតនៅក្តៅខ្លួន គ្រុនពីរង៉ៃ ទម្រាំតាកូនក្មេង! ហេសហេសហេសអារឿងសង្សារម្បាច់រករ៉េបង, រត់មកឯងៗហេសហេសហេស… សុទ្ធតាមេគោអីហ្នឹង!
ហាហាហា និយាយដូចស្រួលណាស់!! រឿងដុះធ្មេញហ្នឹង ហ្អើយ យប់ម៉ិញគ្មានបានដេកពួនអីទេ កូនយំរហូត ព្រោះឈឺធ្មេញហ្នឹងណា!!!
សង្ហាដូចសម្បត្តិឯងមិនខ្វះទេនារីស្អាតៗតាមស្រឡាញ់នោះ!!
សាធុបៗៗៗ សូមអោយដូចមាត់បងចុះ! ហេសហេសហេស
កិកិកិ អោយវាចឹងចុះ!
ញ៉ុមក៏ឡាវល់ខ្លាំងណាស់ដែរ រកដកឃ្លាមិនបានសោះ បានតែដាក់ក្បៀស
ភារម្យអើយ ម៉េចរវល់បង្រៀនកូនសិស្សអី? កុំអោយរវល់ពេក រកពេលទៅកំសាន្ដនៅកោះពេជ្រ និងទៅកន្លែងសប្បាយៗផ្សេងៗទៀតផងទៅ ប្រយត្ន័ជ្រុះសក់អស់ ដោយសារតែរវល់ហ្នឹងណា!
អ្នកសរសេកម្មវិធីទេបង! បង្រៀនជាផ្នែកមួយក្រុមហ៊ុនតម្រូវអោយទៅទេ! គិតថារកទៅកោះពេជ្យដែរ តែដូចជាគ្មានពេលសោះ! 😉
បង! ខ្ញុំភ្លេចស្ករគ្រាប់នៅផ្ទះបងពីលើកមុន ធ្វើម៉េចទៅ? ទិញអាអូនយកទៅឆីអស់ទៅ???
អេ បងគិតថា Comet ញ៉ាំអស់ហើយដឹងទេ រឿងស្កគ្រាប់នោះ!!! ព្រោះពេលចេញទៅបងមើលទៅអត់ឃើញមានផងហ្នឹង ឃើញតែសំបកស្កគ្រាប់ទេ!!! កូនបង គឺអត់អោយញ៉ាំស្កគ្រាប់ទេ!!! កិកិកិ សុខសប្បាយយ៉ាងណាដែរហ្នឹង?
បាទ ជំរាប សួរ អត់ហ៊ានចូលរំខានរ៉េ ខ្លាចថាបងចូលលួច ប្រហុក ! សុខសប្បាយយ៉ាងណា យ៉ាងណី ដែរ ? ចុះ កូនអត់អីរ៉េ ? បាទ ពួកខ្ញុំអត់ថាអត់ថាអីរ៉េ យូរៗអើតម៉ាដងក៏អត់ទើសខុសអីដែរ ។ អរគុណ
សួស្ដីបងហនុមាន!!! ប្រហែលរវល់ជោកព្រិលចេញពីផ្លុវហើយ បានជាមិនសូវឃើញ មានសកម្មភាពអីច្រើននោះ!! លើកមុនខ្ញុំបាត់ប្រហុកមួយកែវតូចដែរ តែមិនដឹងជាបងយកឬអត់ទេ? សង្ស័យណាស់ខ្ញុំ! អរគុណបងបានមកអឺតដល់ផ្ទះ កិកិកិ!!!
បាទ ជាប់រវល់ដែរ តែមិនមែនចូកព្រិលរ៉េប្អូនអើយ! អូ ម៉ាកែវតូចកាលមុនហ្នឹងអី ខ្ញុំខ្ចីសិនតើ ចាំខ្ញុំបានទៅស្រុកខ្មែរខ្ញុំយកប្រហុកអាមេរិកាំងផ្ញើរជូនវិញ ដែលញាំប្រហុកអាមេរកាំងដែរហ្អា?
ស្មានតែចូកព្រិលទៅហើយបងអើយ! ចឹងបានថា ឆ្ងល់ចេះតែបាត់កែវប្រហុកមួយហ្នឹង ដឹងអីបងឯងយកសោះ! ប្រហុកអាមេរិកយកតើបង អោយតែអោយ ឈ្មោះប្រហុកដូចគ្នាតើ!!