ទៅ Countdown នៅ​ណា?


សល់​តែ​ប៉ុន្មាន​ថ្ងៃ​ទៀត​ប៉ុណ្ណោះ ឆ្នាំ​២០១០ នឹង​មិន​ដែល​វិល​ត្រឡប់​មក​​ក្នុង​ពិភព​លោក​នេះ​ទៀត​ឡើយ ហើយ​ឆ្នាំ​២០១១ បាន​តែង​ខ្លួន​ជា​ស្រេច នឹង​រៀប​ខ្លួន​ចូល​មក​កាន់​ដំណែង​ថ្មី!

ថ្ងៃ​សុក្រ​ទី​៣១ គឺ​ជា​វេលា​ចុង​ក្រោយ​បំផុត​សំរាប់​ឆ្នាំ​២០១០ ដូច្នេះ ចង់​សួរ​បងប្អូនអ្នក​ភូមិ​យើង​នេះ មាន​បាន​រៀប​គំរោង​ទៅ​ណាណី អត់ហ្នឹង? ហើយ​មាន​ជប់លៀង​អី​ទៀត​ទេ! បើ​មាន​ទៅ​ណា​ណី​អី​កុំ​ភ្លេច​ប្រាប់​អ្នក​ភូមិ​យើង​ផង ក្រែង​លោរ​បាន​ទៅ​លេង​នឹង​គេ។ ហើយ​មាន​ដាច់​យប់​ដើម្បី​អប​អរ​សាទរ​ឆ្នាំ​ថ្មី​អត់​ហ្នឹង? ញ៉ុម​ដូច​ជា​មិន​ទាន់​ដឹង​ច្បាស់​ពិត​ប្រាកដ​នៅ​ឡើយ​ថា​នឹង​ទៅ​ណា​ទេ ព្រោះ​អី​ដូច​មិន​មាន​គំរោង​អី​សោះ ចឹង​ចេះ​តែ​សាក​សួរ​មើល​ក្រែង​លោ​មាន​បងប្អូន​ណា​ គាត់​បាន​រៀប​គំរោង​រួច​ហើយ​ ចឹង​ចង់​ទៅចូល​រួម​នឹងគេ​ ក្រែប​បាន​សប្បាយ​ និង​បាន​ស្វាគមន៍​ឆ្នាំ២០១១។

Advertisements

ថ្ងៃ​ស្អែក​ណូអែល!


សួ​ស្ដី​មិត្ត​ទាំង​អស់​គ្នា! ថ្ងៃ​ស្អែក​ជា​ថ្ងៃទី២៥​ខែ​ធ្នូ ហើយ​ជា​ថ្ងៃ​ដែល​ពិភព​លោក​បាន​រៀប​ចំ​ពិធីបុណ្យ​ណូអែល​ដ៏ ធំ​ជាង​គេ​សំរាប់​ឆ្នាំ​នេះដែរ។ ដោយ​ឡែក​សំរាប់​ខ្ញុំ​ហើយ​នឹង​ក្រុម​របស់​ខ្ញុំ​ក៏​បាន​រៀប​ចំពិធី​បុណ្យ​ណូអែល​មួយ​នៅ​កោះ​ពេជ្រ​សំរាប់​ថ្ងៃ​ទី ២៥នេះ​ដែរ។ សូម​អញ្ជើញ​មិត្ត​ទាំង​អស់​គ្នា​មក​ចូលរួម​កុំ​បី​ខាន អត់​ត្រូវ​ការ​ទិញ​សំបុត្រ​ទេ គឺ​ចូល​ហ្វ្រីៗ ហ្មង! មាន​រង្វាន់ ច្រើន​ណាស់កំពុង​រង់ចាំ​អ្នក។

អ្នក​រាល់​គ្នា​នឹង​បានដឹង​ពី​អត្ថ​ន័យ​ពិតពីថ្ងៃ​បុណ្យ​ណូអែល សូមមក​ចូលរួមមក នោះ​អ្នក​រាល់​គ្នា​នឹង​មិន​ខក​បំណង​ឡើយ!!! ខ្ញុំ​នឹង​បក​ស្រាយ​យ៉ាង​ច្បាស់​ពី​អត្ថន័យ​ពិត​ប្រាកដពី​ថ្ងៃ ណូអែល​ជូន​ដល់​បងប្អូន​យើង​ដែល​មិន​សូវ​បាន​ដឹង​ច្បាស់​ថា​ហេតុ​អ្វី​បាន​ជា​យើង​ធ្វើ​ណូអែល ព្រោះ​តែ​ឃើញ​គេ​ធ្វើ​ក៏​ធ្វើ​តាម នេះ​គេ​ហៅ​ថា​ផ្អើល​តាម​គេ​ហ្នឹង​ណា! ចឹង​ហើយ​សូម​មក​ស្វែង​យល់​ពី​អត្ថន័យ​ពិត​អោយ​បាន​គ្រប់ៗ​គ្នា។

ថ្ងៃ​សៅរ ទី២៥ ខែធ្នូ ឆ្នាំ២០១០ នៅ​ទីក្រុងកោះពេជ្រ អាគារ ប៊ី វេលាម៉ោង ៤៖០០-៧៖០០ល្ងាច

ពំនុះ​ទ្រូង ភ្ញាក់​ផ្អើល


ខ្ញុំ​មិន​ដឹង​ថា​មាន​ពំនុះ​ទ្រូង​កាត់​តាម​បណ្ដោយ​ផ្លូវ​ថ្មី​សោះ ព្រោះ​ធ្លាប់​តែ​ឃើញ​មាន​ពំនុះ​ទ្រង់​តាមបណ្ដោយ​វិថី​នានា​ក្នុង​ទី​ក្រុង​ភ្នំពេញ​ដែល​ធ្វើ​ពី​ស៊ី​ម៉ង់ត៍ លាប​ពណ៌​លឿង​ខ្មៅ ដាក់​តាម​បណ្ដោយ​ផ្លូវ​នា​នា ដើម្បី​កាត់​បន្ថយ​នូវ​ការ​ស្ទះ​ចរាចរណ៍ នៅ​ក្នុង​ទី​ក្រុង។

នេះ​ជា​រូប​ភាព​ដែល​មាន​ពំនុះ​ទ្រូង​​ដែល​ធ្វើ​ពី​ស៊ី​ម៉ងត៍ លាប​ថ្នាំ​ពណ៍​លឿង និង​ខ្មៅ! តែ​អ្វី​ដែល​ចាប់​អារម្មណ៍​ជាង​នោះ​គឺ​ម៉ូតូ​ទាំង២​នោះ កំពុង​តែ​ជិះ​ខុស​ច្បាប់ហើយ!!​កិកិកិ មិន​នឹក​ស្មាន​សោះ! បើ​ម្ចាស់​រូប​ថត​ឃើញ​រូប​នេះ​សូម​កុំ​ថា​ខ្ញុំ​ជា​អ្នក​ថត​អី ព្រោះ​ខ្ញុំ​យក​មក​ពី​ការ​ស្វែង​រក​នៅ​ក្នុង​ហ្គូហ្គល​ទេ! កិកិកិ សុំទៅចុះណាង៉ៃ​ក្រោយៗ​កុំ​ជិះ​ចឹង​ទៀត ខ្លាច​ប៉ូលីស​ផាកអស់​គូថ​ខោ​ទៀត។

នេះ​ជា​រូប​ភាព​នៃ​ពំនុះ​ទ្រូង​ថ្មី​ដែល​សាលា​ក្រុងទើប​តែដាក់​នៅ​តាម​បណ្ដោយ​ផ្លូវ​ព្រះសីហនុ ចាប់​ពី​ស្តុប​ផ្លូវ​មុនីវង្ស​​ទៅ​តាម​បណ្ដោយ​ផ្លូវ​ព្រះសីហនុ រហូត​ដល់ចុង​សួន​ខាង​លិខ​វិមាន​ឯករាជ្យ។ ខ្ញុំ​ភ្ញាក់​ផ្អើល​តិច​ដែរ​ដោយ​ឃើញ​របាំង​ថ្មី​ដែល​ធ្វើ​ពី​ដែក លាប​ពណ៌​ខ្មៅ​ដដែល​ ហើយ​មាន​លាយ​ពណ៌​លឿង​ខ្លះ​ៗ។ តែ​ខ្ញុំ​ឃើញ​មាន​តែ​មួយ​កំណាត់​ផ្លូវ​នេះ​ទេ មិន​ទាន​បាន់​ឃើញ​នៅ​ទី​ណា​ទៀត​ឡើយ ប្រសិន​បើ​បងប្អូន​ដឹង​សូម​ប្រាប់​ផង ព្រោះ​ឃើញ​ថា សាលា​ក្រុង​យើង​យក​ចិត្ត​ទុក​ដាក់​នឹង​ចរាចរណ៌​នេះ​ណាស់ ដើម្បី​កាត់​បន្ថយ​ការ​កក​ស្ទះ តាម​ដង​ផ្លូវ។ វា​ល្អ​សំរាប់​ចរាចរណ៌​តាម​រថ​យន្ត តែ​ពិបាក​សំរាប់​អ្នក​ថ្មើ​រ​ជើង​ដែល​ត្រូវឆ្លង​ថ្នល់ ព្រោះ​ត្រូវ​ទៅ​រហូត​ដល់​សួន​ជិត​វិមានឯករាជ ឬ​ដល់​ស្តុប​ផ្លូវ​ត្រសក់​ផ្អែម ឬ​ស្តុប​ផ្លូវ​មនុវង្ស។

ខ្ញុំ​មិន​ដឹង​ថា សាលា​ក្រុង​នឹង​មាន​គំរោង​ធ្វើ​ផ្លូវ​ដើរ​កាត់ ទទឹង​ថ្នល់​ដូច​នៅ​សឹង្ហបុរី, ថៃ, មាឡេស៊ី និង ឥណ្ឌូនេស៊ី​ ឬអត់​ទេ!

សួស្ដី​ណូអែល និង​រីករាយឆ្នាំ​ថ្មី​២០១១


សួស្ដី​ណូអែល​បងប្អូន​ប្រុស​ស្រី សូម​ជូន​ពរជ័យ​ដល់​គ្រប់ៗ​គ្នា
ជួប​តែ​ក្ដី​សុខ​កុំ​បី​ឃ្លាត​ឃ្លា គ្រប់ប្រាណ​អង្គា​សុខភាពប្រពៃ។

សូមអោយ​​គ្រួសារ​បាន​សុខ​ក្សេម​ក្សាន្ត  កិច្ច​ការ​អ្នក​បាន​ជោក​ជ័យ​គ្រប់​ពេល
ឡើង​បុណ្យ​ឡើង​សក្ដិ​ប្រាក់​ខែឡើង​ទ្វេរ  ឡើង​ធ្វើ​ជា​មេ​ជា​manager។

ឯការ​សិក្សា​អ្នក​បាន​សម្រេច  រៀន​ចាំ​មិន​ភ្លេច​ចំណេះ​ពេញ​ខ្លួន
បាន​ដល់​ទី​ត្រើយ​​ត្រេក​អរនឹម​នួន ជូន​ដល់​បងប្អូន​ក្នុង​ថ្ងៃ​ដ៏​ល្អ។

សូមអញ្ជើញ​ចូលរួម​ថ្ងៃ​ណូអែល


នៅ​កន្លែង​ខ្ញុំ​មាន​រៀប​ចំ​កម្ម​វិធី​ណូអែល ដែល​គ្រប់​គ្នា​ភាគ​ច្រើន​ស្គាល់​ នឹង​ដឹង​យ់ាង​ច្បាស់​ថា​នៅ​ថ្ងៃ​ទី​២៥ ខែ​ធ្នូ ជា​ថ្ងៃ​បុណ្យ​គ្រីស្ត​ម៉ាស់​មួយ​ដ៏​ធំ​នៅ​ជុំ​វិញ​ពិភព​លោក។ ចឹង​ពួក​ខ្ញុំ​ដែល​ជា​គ្រិស្ត​បរិស័ទ នៅ​ស្រុក​ខ្មែរ​នេះ ក៏​បាន​រៀប​ចំ​អប​អរ​សាទរ​ថ្ងៃ​ណូអែល ដែរ។

នៅ​ថ្ងៃ​ទី ២៥ ខែ​ធ្នូ ឆ្នាំ​២០១០ យើង​ខ្ញុំ​បាន​រៀប​ចំ​កម្ម​វិធី​ណូអែល​សំរាប់​យុវជន ហើយ​កម្ម​វិធី​នេះ​នឹង​ប្រព្រឹត្ត​ទៅ​វេលាម៉ោង ៤៖០០-៧៖០០ យប់ នៅ​ទី​ក្រុង​កោះ​ពេជ្រ អាគារ B.

មាន​កម្ម​វិធី​សប្បាយ​ៗ​ជា​ច្រើន ដែល​រៀប​ចំ​ជូន ព្រម​ជាមួយ​នឹង​រង្វាន់​ដែល​បាន​ទទួល​ការ​ឧបត្ថម្ភ​ពី​បណ្ដារ​អង្គ​ការ ក្រុម​ហ៊ុន និង​កន្លែង​ផ្សេងៗ​ទៀត​ជា​ច្រើន​ផង​ដែរ។

ជាមួយ​នោះ​ផង​ដែរ​ក៏​នឹង​បាន​រីក​រាយ​ជាមួយ​ក្រុម​តន្ត្រី​របស់​ខ្ញុំ​ផ្ទាល់​ ដែល​ពួក​កាត់​សុទ្ធ​សឹង​តែ​ជា​យុវជន​គ្រិស្ត​បរិស័ទ ដែល​មាន​សមត្ថ​ភាព​​ក្នុង​ការ​លេងតន្ត្រី​ផង​ដែរ។

សូម​កុំ​ភ្លេច​ចូល​រួម​អោយ​បាន​ច្រើន​ណា ព្រោះ​មិន​ចាំ​បាច់​មាន​សំបុត្រ​ទេ គឺ​ចូល​រួម​បាន​គ្រប់​ៗ​គ្នា និង​ដោយ​សេរី! កុំ​ភ្លេច​ជួប​គ្នា​នៅ​ទី​ក្រុង​កោះ​ពេជ្រ អាគារ B វេលា​ម៉ោង ៤៖០០​ល្ងាច នា​ថ្ងៃ​ទី​២៥ ខែ​ធ្នូ។ ខ្ញុំ​នៅ​ទី​នោះ​រង់​ចាំ​គ្រប់​ៗ​គ្នា!

សុខ​សប្បាយ​ឬ​ទេ?


ជំរាប​សួរ​បងប្អូន​អ្នក​ភូមិ​អើយ!!! អាឡុវ​នេះ​ឃើញ​ថា​ភូមិ​យើង​ដូច​ស្ងាត់​ដល់​ហើយ មិន​សូម​មាន​រឿង​រំជើប​រំជួល​អី​កើត​ឡើង​ទេ មើល​ទៅ​បងប្អូន​យើង​រវល់​តែ​ច្រូត​កាត់​ហើយ​ ព្រោះ​អី​ពេល​ខ្លះ​មិន​សូវ​ឃើញ​នៅ​ផ្ទះ​សោះ បើក​ទ្វារ​ចោល ទៅ​ស្រែ​ចម្ការ​បាត់។

និយាយ​ ខ្ញុំ​ហ្នឹង​ក៏​រវល់​ដែរ មិន​សូវ​មាន​ពេល​មក​អឺត​ផ្ទះ​សោះ តែ​ឃើញ​តែ​ក្រដាស់​សំបុត្រ​ សារ​ទុក​ប្រាប់​ថា មាន​បងប្អូន​យើង​មក​ ខ្ចី​ប៊ីចេង ប្រហុក ខ្ទឹម យក​ទៅ​ប្រើ! តែ​មិន​អី​ទេ យក​ទៅ​ព្រោះ​ខ្ញុំ​មាន​ច្រើន​ណាស់ ទិញ​ស្តុក​ទុក ខ្លាច​ក្រែង​មាន​គ្រោះ​អាសន្ន​កើត​ឡើង!!

សូម​ជំរាប​សួរ​ និង​ផ្ដល់​ក្ដី​នឹក​រលឹក​ដល់​បងប្អូន​អ្នក​ភូមិ​វ៉ើត​ប្រេស​នេះ​ផង!